Hawaii

09.01.17 / 10.01.17

Wier si gester güet uf Big Island glandet und nach Volcano gfahre. Die erste beide Täg heiwer im Volcano National Park verbrunge. In dem Park isch eine vone aktivste Vulkän vaner Wält. Im Krater gits en Lavasee, der isch aktuell so hoch, dasme vam Museum üs d Lava gseht gspritze. Das isch erst sit einem Tag so, hei es riesigs Glück gka. Üsserdem fliessts d Lava eigentli underirdisch ins Meer und mu gseht nur en Dampfwolke. Da am Silväster es riesigs Stuck Küsta ins Meer kit isch, gseht mu jetz sogar der Lavastrom ins Meer fliesse. Ver dahi z cho heiwer es Velo gmietet und si gradlet. Isch sehr idrücklich gsi.

11.01.17

Hite siwer vam Volcano Nationalpark im Oste vaner Insla nach Hawi im Weste gfahre. Underwägs siwer zwei Wasserfäll ga alüege. Isch sehr schön die Strecki zum Fahre.

12.01.17 / 13.01.17

Iner Zit hie z Hawi siwer under anderem zum Pololu Lookout gange und zum Puukohola National HIstoric Park. D Üssicht bim Lookout isch sehr schön gsi. Der Park liegt am Meer und het en chleini Bucht. In der Bucht hent Haia gschwumme, sehr idrücklich. Si no bima schöne Picknick-Stand gsi am Meer, da heiwer scho die erste Buckelwala gseh. Wahnsinnig schön-

15.01.17 - 19.01.17

Z Maui heiwer der Strand gignosse, si ga schnorchle und töiche (emil der Ralf), hei Wala gseh (vam Ufer üs und öi vam Boot) und si d Route to Hana gfahre. Z Wätter het öi immer mitgspielt. D Route to Hana isch sehr idrücklich gsi und wier si bim Black Sand Beach und Red Sand Beach gsi Der Strand bi ischer Underkunft isch sehr schön und läng gsi.

19.01.17 - 24.01.17

In dene 4 Täg siwer z Kauai gsi. Der erst Tag heiwers gmietli an ischem wunderschöne, mänscheläre Strand gignosse und di negste Täg giplant. Am Abe siwer nar ima Luau gsi, das isch en typisch hawaiianische Abe. Sehr schön gsi. Am zweite Tag heiwer im Waimea Canyon welle ga wandere. Das isch der Grand Canyon vam Pazifik. Leider isches fescht bewölkt gsi und äs het grägnet. Aber immerhin heiwer (Ralf und Barbara) dizmal chenne zum Canyon fahre nit wie letschtmal wo d Strass uberflüetet und gsperrt isch gsi. Ver am dritte Tag heiwer en Töich/Schnorchel-Bootsüsflug an d Napali Coast gibüect gka. Di isch leider ufgrund va zu starchem Wind abgseit worde. De siwer halt ine Botanische Garte gange. Am vierte Tag siwer nar mim Kayak der Wailua River embrüfpaddlet und nar zuma Wasserfall gluffe, wower es erfrischends Bad hei chenne nä. Isch sehr schön gsi.

24.01.17 - 28.01.17

In dene 3 Täg siwer uf Oahu am Waikiki-Beach gsi. Der erst Tag siwer ( d Fröie) ga shoppe und der Ralf ga töiche, am zweite Tag siwer ufe Diamond Heat gluffe und am letschte Tag heiwer der schön Strand va Waikiki gnosse.