Cook Islands

Seit 29.01.17
Sit dum Sonntag siwer uf Rarotonga, der Höiptinsel vane Cook Islands. Äs isch sehr schön hie. Am Mäntag isch der Ralf ga töiche, het mu sehr gfalle. Hie chame sehr güet töiche. Am Zischtag siwer ga schnorchle, isch sehr schön gsi und hei viel chenne gseh. Am Mittwuch siwer mit Buggys ga fahre. Isch sehr luschtig gsi. Vor allem öi wills am Zischtag grägnet het ;-) Am Donnschtag isch der Ralf wieder ga töiche und die Barbara isch ufera Insel-Tour gsi. Z Töiche isch wieder super gsi und di Tour sehr interessant, will mu öi embrüf ini "Bärga" geit. Am Fritag hets der ganz Tag grägnet, wier heis de gmietli gno. Am Samstag siwer am Namittag uf Aitutaki gfloge.

Sit dum 04.02.17

Sit dum Samstag Namittag siwer uf Aitutaki. Scho der Aflug isch sehr idrücklich gsi. In der Lagoona va Aitutaki hets sehr viel chleini Insle und ei gresseri, d Höiptinsla. Iner Lagoona va Ratotonga isch nur ein grossi Insla, was scho sehr schön isch gsi. Durch das, dases en Lagoona isch, wärdend d Wälle am Üsserif gibroche und z Wasser am Strand isch sehr ruhig und ideal zum Bade und schnorchle. Uf Aitutaki hets sehr viel Koralle diräkt am Strand und sehr viel Seegurke. Am Mäntag isch der Ralf ga töiche. Het mu wieder sehr gfalle. Am Zischtag siwer ufera Lagoon Cruise gsi, si uf dri unbewohnti Insle gange und hei chenne schnorchle. Isch sehr schön gsi. Am Mittwuch isch der Ralf wieder ga töiche, leider heder nur ei Töichgang chenne mache, nar isches dum Guide z heikel gsi, wills sehr hohi Wälle gka het ver ins Boot izstiege. Är het en schlafendi Schildkröta gseh und iner Empfärnig "chleini" Haia, näbe dene zahlriche farbige Fischini, wos immer het. Am Donnschtag und Fritag heiwer eigentli numal welle uf so en Lagoon Cruise ga. leider isch die wower hei welle nit so beliebt gsi (obwohl dases sehr güet gitent het) und wier wäri immer d einzige gsi. Darum isches immer abgseit worde. Wier si de am Donnschtag mim Velo zum hegste Punkt ufer Insla gfahre, isch bi 39 Grad no zimli asträngend gsi.